上海廳1930 (已結業)

疫情关系，近期在家工作，终于有机会可以落嚟试吓个午市，饮咗佢杯茶，都几清香嘅。叫咗午市面餐，一嚟到就发现原只曱甴喺担担面里面。即时打卡同向一个男经理表示要求换。另外加钱叫咗个水晶肴肉做小食，啲啫喱入口即溶，都几好食嘅。换咗个午市饭餐黎到，就系个老火汤里面发现有原只乌蝇。唔知系我咁好彩，连续中奖，定其实啲昆虫系材料之一呢？已经冇晒胃口。但冷静落嚟，再打下卡先！唯有再叫个男经理，再指一指个虫仔，个经理话唔使我俾钱，帮我取消个餐，比我走。(所以我讲左句多谢！)明白工作辛苦，但系疫情嘅情况下，希望餐饮嘅卫生可以做得更加好。但其实就算唔喺疫情严重嘅情况下，有昆虫本身就已经系严重问题吧？特登嚟写低个食评，而家个人醒晒，饭后可以更加集中精神工作。