鱈卵屋 (已結業)

呢间鳕卵屋系间明太子专门店，灯光就暗暗哋咁。水吧旁边放满明太子嘅商品，可以俾食客买返去慢慢食。呢次试咗几样嘢，先嚟嘅系野菜鸡粒明太沙律，鸡粒经香烤过，配埋青瓜、牛油果、车厘茄、生菜、烚蛋，仲有明太子酱调味，总算清新。牛油果三文鱼盘系用厚切三文鱼刺身同牛油果相间，上面仲淋咗明太子酱同葱花，口感几夹。呢次拣嘅菜式原本都系有明太子嘅，可惜𠮶晚冇明太子汁嘅版本，于是改咗呢个香烧油甘鱼鲛，油甘鱼鲛比想像中大件，鱼皮烧得香脆，鱼肉嫩滑兼有丰富嘅鱼油，令人食得满足。