大盛日本料理 (已結業)

差不多把附近的餐厅都吃过一遍了，这间虽然很就脚，但由于之前吃过一次午餐，发觉贵夹唔好食，所以算来也差不多半年没有帮衬过，今晚就比一次机会，睇下会唔会不同以前。 一行入去，坐低，马上闻到空气中有淡淡既三文鱼香味，令人觉得肚饿。拣左一阵后，就拣左一碗三文鱼带子丼，同埋我自己拣左一个明太子炒饭。侍应做野唔算快手，好耐都冇比茶我地，亦都等左十五分钟以上，先有晚餐送到.鱼生饭感觉比以前逊色，因为以前既三文鱼真系好大块，而家细块左唔少，好彩三文鱼同带子都够鲜甜。尤其是我最爱既带子，佢分左一块比我食，令我食到个种好正既带子甜味，感觉满足。而明太子炒饭，反而有惊喜。就近睇。可以见到一粒粒明太子在炒饭中间，还有葱，粟米等等配料。明太子本身带点辣，但这个并不太感觉到，但明太子本身的鲜味和咸香则很突出，加上炒饭炒得粒粒分明，份量也很足，所以香口之余亦好饱肚，算系意外之喜。埋单之后，仲会送埋两粒雪米糍作为甜品，对于钟意食雪米糍既我，感觉十分贴心。