靚靚麵工房 (已結業)

同肥妹妹系尖沙咀影左成晚相, 真系渣机渣到手都累埋呀!!!经过靓靓车仔面, 咁岩又未食过, 见到铺头又贴满哂明星相, 虽然就系旧左D不过都谂住无死呀, 医肚要紧!!!坐底睇下张menu, 又几多选择㖞, 多到我都唔知拣咩黎食好呀最后决定嗌个油面, 𩠌方面就要左响铃, 口水鸡翼同埋九转大肠!先黎就上左个油面先, 原本叫左辣酱架, 不过佢无加到, 后尾叫佢另上又无左回事, 无奈!唯有自己落辣油啦! 仲有, 原本碗面个汤底其实已经好油, 十分唔适合胖侣食用呀!!!不过油面既面质其实唔错, 呢样值得赞下!! 到讲下D𩠌啦, 首先系个响铃 :　有少少crispy, 入面个咸都唔错, 有D似食紧腐皮卷, 可以试下。 然后到个九转大肠 : 大肠炸得硬左D, 而且无咩大肠既味道, 有d失望! 最后就系口水鸡翼 :　成只鸡翼都无味, 完全食唔到有咩辣味, 对呢一个𩠌好失望!总括黎讲, 呢间野卖点就系胜在够哂多𩠌你拣, 不妨一试其他既𩠌呀!