泰鳩

营业中

休息中

我平时好少写食评，但系今次真系忍唔住。今天慕名而来，见佢可以带宠物同我妈妈，细佬男朋友一行四人嚟食环境唔算靓，地方好细，坐得比较迫叫咗$19x 冬阴功烤鱼条鱼好细冬阴功系冇冬阴功味嘅，冇酸冇辣，剩系得咸。$8x 泰式酸辣凤爪，直头系冇味嘅淡茂茂炸嘢拼盘$19x 味道不过不失，但系唔值呢个价钱$108 蟹肉炒饭，啲蟹肉只不过系摆喺面，仲要笃饭，得一碗反转cup落去只碟泰式生虾呢个真系好离谱，急冻拎出嚟，雪嘢嘅味道啲虾肉嘅质感好假，低质嘅材料要加一服务费，但系服务真系麻麻哋。带咗个好细好细嘅蛋糕，坐低咗，佢哋话喺度食$80切饼费仲贵过我本身嘅蛋糕我明白系要赚钱，但系都唔系赚到咁尽而家好多餐厅都唔收切饼费仲要我哋话唔食蛋糕啦，个蛋糕我哋拎出嚟影相，跟住就会带走跟住佢哋竟然静静鸡喺张单度收切饼费，好彩我睇到叫佢退返！总括来说，真系得个名气，环境不过不失，要味道冇味道要大碟冇大碟，要服务冇服务，要抵食都一啲都唔抵食。