小茶屋 (已結業)

星期六同朋友行街街，行到有啲口渴，见到呢间饮品店，装修行小清新路线，吸引左我地既目光。朋友系抹茶控，见到餐牌主打茶类饮品，佢即刻话不如饮呢间小茶屋。佢拣左鲜奶黑糖珍珠抹茶，我就饮鲜奶焙茶，两杯都叫左少甜。鲜奶黑糖珍珠抹茶 $38小茶屋既饮品好特别，用既系易拉罐包装。出黎效果好靓，两层鲜明既颜色，上绿下白，层次分明。茶味好出，珍珠烟韧，朋友表示好饮。鲜奶焙茶 $35我呢杯就系上层系焙茶色，下层系白色。我将鲜奶转做无糖豆乳，我觉得比起鲜奶同茶更夹。呢间好适合钟意饮茶既人，好健康。