薩莉亞意式餐廳 (平田商場) (已結業)

不嬲都系萨莉亚既Fans，最近系蓝田番工，晏昼就行远啲过黎试下，蓝田唔系工商业区，所以下昼好易揾到位，基本上唔洗等位。不过学生开左学，多左人放学黎食Lunch。今次同同事叫左新出既俾斯麦薄饼，上面有芝士、菠菜、烟肉同埋一只半熟蛋。食过萨莉亚都知佢个饼皮其实唔系特别好食，啲蛋流左落去，个饼皮林左所以有啲漏。下次应该都会叫番水牛芝士薄饼算。同事叫左黑松露野菌忌廉意大利粉，中意食黑松露既会好中意佢 我自己就叫左铁板汉堡辣肠鸡球，都唔系第一次食，块汉堡好香好浓肉味，两条肠好干好咸，两旧鸡本身系脆既，索左啲汁之后林左，不过啲汁捞饭好好食 ，粟米又好甜另外加左16蚊配饭，沙律同埋饮品吧，沙律啲菜今日唔系好靓，所以食唔晒。呢个价钱真系算系咁，50蚊内又可以饮饱食醉。