美滋鍋 (家樂坊)

营业中

休息中

餐厅共有八款汤底，贪心啲想试多几款，可以选鸳鸯锅或者四季锅！我就三心两意，所以一于食齐四款！🔸胶原蛋白养颜美容锅 豚肉汤底，乳白浓汤仲有滑豆腐，本菇，就咁饮都唔会太咸，胶原蛋白满满。🔹蕃茄玉米锅好浓郁嘅蕃茄味，酸酸甜甜好开胃。🔸特浓沙嗲锅系最香浓嘅汤底，沙嗲本身少少辣，有花生味，任何食材放入去都变得好惹味。🔹养生药膳醉鸡锅药材味好出，加上花雕鸡，真系好补身。而花雕的醇厚与鸡肉鲜甜味相配合，汤料都好好味。选好汤底，店员随即送上时令刺身拼盘同蔬菜综合盘，另外餐厅用iPad自己点菜，非常方便。🥩肉类种类唔算多，但有澳洲M 6+和牛前腿心，美国安格斯风门柳，美国安格斯三角牛，四方肥牛，牛舌，纽西兰羊肉卷，三黄鲜鸡件等等。海鲜有竹签虾，沙白，花胶，鲜鲩鱼片等等，我仲食左炙烧芝心丸，蟹籽墨鱼滑，鸭血，猪肝等等。超过60款火锅配料及饮品无限供应，120分钟任食真系相当满足。最后仲有冰冻清甜柚子沙冰，饮完瞬间消滞，仲清新口腔味蕾。