影片
更多
2021-06-02
4376 浏览
星宴作为W酒店系列入面首间中餐厅，响W酒店渡过Staycation既客人都有唔少会选择于星宴内使用Dining Credit，小编都唔例外，响W酒店内食左三餐西餐后，今次终于有机会可以试到酒店内中餐厅既滋味。可能系因为响酒店及商业区既集中地，星宴既午市都非常多人帮衬，所以经酒店温馨提醒下都要先行预约。由于系响Check Out既时候享用午餐，当员工见到小编一行人有唔少行李个阵，都主动提供较大既枱及其他櫈，方便我地安置物品。而同时我地坐低后，员工都有慢慢介绍每个餐牌既种类，以及佢地既推荐菜式，呢个都令小编觉得窝心既。 而前菜及茶壶都好快就即刻送到响我地枱面。事不宜迟，都报告下小编对今次享用既食物既评价先：烧味并盘：今次就选择左脆皮乳猪﹑烧腩﹑以及烧鹅。员工响上碟前温馨提示每款只有两件，而睇下我地有无需要再添加，虽然见到个阵都有惊唔够食，但小编就觉得最紧要系高质素! 乳猪本身有细细块包响底，所以乳猪既油香被充分吸收哂，食个阵乳猪肉唔多，可以完全食到乳猪皮既脆香；烧腩会比较重油香，可能对于怕浓油香既朋友会觉得太腻；而烧鹅就当然系唔会有骨啦! 选既部位似乎都系接近脾既位置，所以相对平时既烧鹅会
可能系因为响酒店及商业区既集中地，星宴既午市都非常多人帮衬，所以经酒店温馨提醒下都要先行预约。由于系响Check Out既时候享用午餐，当员工见到小编一行人有唔少行李个阵，都主动提供较大既枱及其他櫈，方便我地安置物品。而同时我地坐低后，员工都有慢慢介绍每个餐牌既种类，以及佢地既推荐菜式，呢个都令小编觉得窝心既。 而前菜及茶壶都好快就即刻送到响我地枱面。
事不宜迟，都报告下小编对今次享用既食物既评价先：
烧味并盘：今次就选择左脆皮乳猪﹑烧腩﹑以及烧鹅。员工响上碟前温馨提示每款只有两件，而睇下我地有无需要再添加，虽然见到个阵都有惊唔够食，但小编就觉得最紧要系高质素! 乳猪本身有细细块包响底，所以乳猪既油香被充分吸收哂，食个阵乳猪肉唔多，可以完全食到乳猪皮既脆香；烧腩会比较重油香，可能对于怕浓油香既朋友会觉得太腻；而烧鹅就当然系唔会有骨啦! 选既部位似乎都系接近脾既位置，所以相对平时既烧鹅会滑好多!
南瓜蟹肉金鱼饺：推介! 本身金鱼饺做出黎好有金鱼游动时O咀既神韵，同时因为南瓜黄色既关系，令鱼身都有斑纹而唔会只有奶白色外形既外观；食个阵稍为淡味，足够而实净既蟹肉及虾味会比较突出，而同时唔会太感觉到南瓜味。
高汤原只带子鲜蟹肉瑶柱灌汤饺：推介! 可能系因为午餐正价点心关系，灌汤饺内有1件花胶筒(以小编理解)，配合清晰既高汤令食个阵觉得非常实净! 灌汤饺内有原只鲜甜带子；同时响唔少既蟹肉情况下，唔会食到平时酒楼食到既猪肉味，令你就算整穿灌汤饺后，都唔会令碗汤即时变得浑浊!
龙虾汤鲜竹卷：推介! 如果你觉得一般既鲜竹卷又油又腥，呢款点心绝对会令你改观：龙虾汤煮出黎非常浓郁，完全饮得出由大量龙虾煮出黎既鲜味；而鲜竹卷其实有少少似平时响某面店食到既腐皮春卷既实感。基本上食完鲜竹卷后，如果唔怕浓既话可能饮埋龙虾汤!
原只鲍鱼烧卖：还可以。鲍鱼都系星宴入面既主打菜式，不过鲍鱼配以烧卖始终令人有油腻既感觉，令鲍鱼既鲜味相对会有失色。
星斑蒸肠粉：惊喜! 通常用于肠粉既配料都系比较浓味 (例如牛肉﹑叉烧)，但星斑蒸出黎既肠粉，会有类似鲜虾肠粉既情况，将原本既食料香味发挥得更好。虽然系个阵会比较淡口，但胜于用料非常足够，每条肠粉都会有2-3件大大既星斑肉响度。小编就觉得好抵食!
龙虾烩饭：5月份星宴既推荐食材为为龙虾，所以连炒饭都会以龙虾为主题 - 1份龙虾烩饭大约为4碗饭份量，员工会先将炒饭托底后，再淋上热辣辣既龙虾 (每碗饭有1-2件龙虾)。龙虾爽甜，虽然龙虾烩汁唔算太浓，但作为主食黎讲清清地都唔错!
员工会不定时过黎关心食物既质素，有需要时都会帮你加水及点蜡烛，尽量令茶壶保持住适当热度，呢几点都令你觉得服务质素上系值得帮衬既! 4个人大约消费$1100下，如果响酒店中餐厅既质素同成本考虑既，价钱都算合理既。
题外话/补充资料：
留意Dining Credit并不能使用于下午茶任食点心既消费。
(以上食记乃用户个人意见 , 并不代表OpenRice之观点。)
张贴
