星嵐

营业中

休息中

餐厅：星岚地点：天后清风街菜式：日本菜餐牌：特色丼饭，乌冬，锅物，寿喜烧，定食，小食，饮品星岚肥牛咖喱汤乌冬 $98星岚肥牛咖喱汤乌冬用热锅上枱，热辣辣。有几块肥牛，都算嫩，配有少少洋葱丝、京葱丝加两片紫菜。乌冬滑溜且挂汁，食落好浓咖哩味，味道少少辣，乌冬份量够多，好饱肚。跟有日本面豉汤同前菜。日本面豉汤有少少腐皮。前菜系带子裙边配青瓜。星岚迷你乌冬冬 $70星岚迷你乌冬冬包括小吃日本吉列BB虾；主食二选一，我拣左迷你鸡肉日本汤乌冬；汤底三选一，我拣左自家制番茄汤；饮品二选一，我拣左橙汁；甜品有粒粒啫喱仔。成个餐以非常可爱造型上枱，有小熊餐垫，食物就用米奇老鼠餐具上枱，叉羹都系米奇老鼠。日本吉列BB虾一客两只，炸得皮脆肉鲜嫩，非常好食，配有沙律酱入口更滑溜。鸡肉日本汤乌冬伴有一片日式鱼蛋，一片白萝卜，昆布同葱花，乌冬滑溜。个汤番茄味唔错，带点咸香。小店食物质素可以，价钱唔贵。