影片
更多
2012-09-06
584 浏览
「龙景轩」... 自从米芝莲登陆香江, 至今连续3年荣获米芝莲三星评级, 咁坚?!! Honey同我当然唔可以错过啦...试过即日打去Book位, 冇位好正常... 又试过几日前Book, 都系冇位... 又试过一星期前Book, 都仲系冇位... 结果... 索性个半月前Book, 终于Book到位喇!!!11:55AM去到, 服务员话未够钟, 叫我地响门口等阵... 咁我地乖乖地咁系门口等啦... 心念:「吓?!! 仲差5分钟咋㖞?!! 唔使咁准时吖?!! 入去坐阵都得啩...」WoW... 系大家都想坐嘅窗口位呀!!! 望到成个维港o架!!! 可惜被浓郁嘅烟霞笼罩住, 朦咗少少, 如果好天, 应该会好靓...餐厅色调以啡色为主, 餐枱与餐枱之间有一定距离, 座椅好舒适, 商务客占一半...出发前已经上网调查定有咩好食... 锁定咗几个目标, 不过去到餐牌有少少变咗, 可能某D食物唔当造啩...大家一致好评嘅茶芥, 中间嘅梅菜猪肉酱真系好好食, 从未念过梅菜猪肉可以做酱... 右边嘅XO酱都好得... 左边嘅辣椒豉油一般啦...原只鲍鱼鸡粒酥--招牌菜... 坦白讲... 鲍鱼冇味
试过即日打去Book位, 冇位好正常... 又试过几日前Book, 都系冇位... 又试过一星期前Book, 都仲系冇位... 结果... 索性个半月前Book, 终于Book到位喇!!!
11:55AM去到, 服务员话未够钟, 叫我地响门口等阵... 咁我地乖乖地咁系门口等啦... 心念:「吓?!! 仲差5分钟咋㖞?!! 唔使咁准时吖?!! 入去坐阵都得啩...」
WoW... 系大家都想坐嘅窗口位呀!!! 望到成个维港o架!!! 可惜被浓郁嘅烟霞笼罩住, 朦咗少少, 如果好天, 应该会好靓...
餐厅色调以啡色为主, 餐枱与餐枱之间有一定距离, 座椅好舒适, 商务客占一半...出发前已经上网调查定有咩好食... 锁定咗几个目标, 不过去到餐牌有少少变咗, 可能某D食物唔当造啩...
大家一致好评嘅茶芥, 中间嘅梅菜猪肉酱真系好好食, 从未念过梅菜猪肉可以做酱... 右边嘅XO酱都好得... 左边嘅辣椒豉油一般啦...
原只鲍鱼鸡粒酥--招牌菜... 坦白讲... 鲍鱼冇味嘅, 又细粒... 鸡粒都冇特别惊喜... 个酥反而几脆...
龙带玉梨香--招牌菜... 第一粒系苦嘅同埋冇味, 之后逐只汁试吓味, 最夹系柠檬汁, 可以带出带子同虾胶嘅鲜甜味... 之后食到最尾个粒, D梨又甜到漏, 我估第一粒可能切得太近个梨嘅芯...
孜然羊肉烧饼--唔觉网上有人提过, 但系竟然有惊喜!!! 咬开出晒烟, 好热吓... 劲重羊味, 好正呀!!!
飘香荷叶饭--饭湿淋淋嘅, 荷叶味欠奉, 味道咸咗D... 都系福临门最好食...
桂花杞子糕(送)--桂花杞子糕D味... 唔系平时食开嘅桂花味... 但系好熟... 嗯... 嗯... 系「萝卜神」啫喱!!! 应该系沟得好淡嘅士多啤梨味!!! 连Honey都赞同我嘅讲法... 我地对呢个桂花杞子糕除咗O咀之外, 已经冇其他o野可以讲...芝麻饼(送)--去饮果D食剩晒嘅美点双辉嘅质数...
服务员有Keep住帮我地斟茶, 唔该晒...
食完晒Honey有叫我拣多1-2样点心, 我竟然冇Mood拣啰, 最后拣来拣去都唔想再食, 咁嘅情况实在前所未见... 上次去尖沙咀福临门我系干掉完3 Round都仲想再叫o野食o架...
食完呢餐之后充满疑问... 佢个三粒米芝莲星星, 当佢一粒星系环境, 一粒星系服务, 咁到底第三粒系边树o黎??? 味道??? No Way!!! 除咗失望, 已经念唔到第二个形容词...
我地一定要去添好运试吓, 要我系街排几粒钟都系咁话, 睇吓D味道系咪走咗去果便!!!
张贴
