NINETYs (皇后大道東) (已結業)

同朋友聚旧，佢推荐呢度座落于囍帖街附近嘅澳洲cafe，果然冇介绍错！餐厅以工业风装潢，虽然店铺面积唔太，但餐桌与餐桌之间尚算阔络，唔会比人感觉好逼。餐厅主打咖啡，一边系咖啡corner，咖啡嘅价钱清晰刻系墙上，另一边则showcase咖啡豆。可惜我地食饭时间都唔早，未有机会品尝咖啡，下次有机会一定要试下。接著要讲下呢度嘅野食，首推呢个 piggy piggy，顾名思义佢系一个猪肉汉堡，猪肉嘅处理方法系好似叉烧咁，非常juicy，面包质感唔会太硬，夹埋入面嘅配菜同青苹果片令成个菜式口感层次丰富，亦减少油腻感。另外就系呢个black truffle linguine，菇非常大粒，黑松露酱亦好creamy!饮品方面，我强烈推荐呢个fruit romance，佢系水果（橙为主）再加茶而成，同一般水果茶相比，佢嘅茶味好出，令人再三回味！整体黎讲，餐厅嘅食物质素无容置疑，下次一定要试埋咖啡！顺带一提，因为餐牌只有英文，英文唔好嘅人可以黎呢度做左功课先。