阿芳上海餛飩

营业中

休息中

星期三的寻常晚上，收工时间去阿芳食馄饨，全场坐满，但不用等位。其实都食过好多次，质素一直维持得好好。餐牌主要分两大种套餐，就系正常份量同细食份量，然后再分为配汤年糕或上汤面。夜晚细食，所以一直都只系叫轻食餐，四只馄饨配汤年糕，跟餐可以拣一碟小菜同一杯豆浆，有热有冻。是日两人叫咗两个轻食餐，玉豆猪肉馄饨配汤年糕、韮菜猪肉馄饨配上海面，跟糖醋排骨、醉转湾（即醉鸡中翼）同冻豆浆。馄饨汤底有俾心机做，入口鲜甜，唔觉有加好多味精。连平常无辣不欢的某人都唔舍得落辣椒油，话觉得落辣就破坏咗个汤底了。对细食人嚟讲，轻食餐份量的确刚好。94蚊食得两人饱饱行出门口。