星期二薄餅皇 (已結業)

沙田新城市食黎食去都系𠮶几间，冇乜新鲜感？呢间位于排头村o既小店应该可以为阁下o既味蕾带黎一啲新刺激！小弟一向钟情各种 pizza，由厚批到超薄批，细细件到大大件，传统意式到新派Fusion，一律都难逃被吞噬o既命运是日又同女朋友周围揾野食，本身谂住去IKEA，但系经过村屋就见到大大只字写住PIZZA，于是就双眼发住光咁走左入去帮衬佢。舖头系村屋地下o个层，室内只能够坐六人，好在下午茶时间人唔多，其余系厨房、柜枱、饮品柜等等。望下个menu，二人餐都不过系$110，有8 吋pizza 一个，焗意粉一客，焗饭一客及饮品两罐，抵到喊。Pizza 点了意大利，馅料有辣肉肠、磨菇、洋葱同猪肉，饼底松化，衬热食啦喂！另外叫了白汁鸭胸意粉及龙虾汁海鲜饭，不过不失啦。