影片
更多
2012-01-07
27 浏览
一直都系outback既粉丝 因为呢间既品质keep得好好今次藉回英国之前再同J兄+令妹去刷番餐劲既由于我同J兄一直想试试呢到既烧牛肉 所以特地选星期五黎食(烧牛肉星五六日先有供应) 好采一早book左位 七点钟去到已经排哂长龙喇入坐无耐有位男waiter就话我地知宜家系happy hour 啤酒two for one咁正~唔洗谂紧系一人一杯啤啤佢先啦知道outback既份量一向唔少 所以我地两男一女只叫一个starter两个main courses分黎食 三样都系呢到既燃手菜 分别系芝士薯条, Ribs并烧鸡同埋烧牛肉Outback最出名除左牛扒外 当然唔少得无限添加既黑糖包啦!!!!我地落完单后都超级期待呢个最佳配角出场 因为真系好好食可惜等完又等都系无野黎 只好吹吓位waiter啦 又等左一段时间 前菜SALAD都到左喇……包包都系未到……唯有再吹吹啦结果由落单到黑糖包上台用左15分钟…...可能因为星期五晚忙啦…...anyway 个黑糖包正如我地所想既一样 热烘烘的 大大条 唔会太过甜 配合cream cheese食 真系一绝! 完全令人忘记呢个包其实系饱肚之物~三人唔洗30
今次藉回英国之前再同J兄+令妹去刷番餐劲既
由于我同J兄一直想试试呢到既烧牛肉 所以特地选星期五黎食(烧牛肉星五六日先有供应) 好采一早book左位 七点钟去到已经排哂长龙喇
入坐无耐有位男waiter就话我地知宜家系happy hour 啤酒two for one
咁正~唔洗谂紧系一人一杯啤啤佢先啦
知道outback既份量一向唔少 所以我地两男一女只叫一个starter两个main courses分黎食
三样都系呢到既燃手菜
分别系芝士薯条, Ribs并烧鸡同埋烧牛肉
Outback最出名除左牛扒外 当然唔少得无限添加既黑糖包啦!!!!我地落完单后都超级期待呢个最佳配角出场 因为真系好好食
可惜等完又等都系无野黎 只好吹吓位waiter啦
又等左一段时间 前菜SALAD都到左喇……包包都系未到……唯有再吹吹啦
结果由落单到黑糖包上台用左15分钟…...可能因为星期五晚忙啦…...
anyway 个黑糖包正如我地所想既一样 热烘烘的 大大条 唔会太过甜 配合cream cheese食 真系一绝! 完全令人忘记呢个包其实系饱肚之物~
三人唔洗30秒就清左盘~唔系讲笑 真系唔洗30秒 原本谂住再黎多条
但及时醒起要留留战斗力比阵间既主角 所以都系放弃左~
果然过左一阵 一盘大大碟既魔物就送到我地眼前
黎OUTBACK食过咁多次 今次系第一次食呢到既芝士薯条
先讲讲份量 薯条之多唔洗多讲啦 但上边既芝士加烟肉粒同样比得绝不手软㖞
大大PAT热辣辣既肥腻物包住每一条脆口淀粉质 配mayo食 无得弹啦~ 经验话我知芝士薯条真系要衬热食的 所以我地3个再次用9秒9既时间食哂呢一大盘魔物!!!! 认真讲句 呢个份量呢种质素收呢个价钱绝对物超所值 因为呢碟野真系好好好多芝士~ 出边个啲冇得fight啦
又过左漫长既等待 两道主菜终于同时黎到 先讲烧牛 我地选择用slow grill既方法去煮 有三个份量供应8oz 12oz 14oz
原本打算小小地叫个8oz试吓就算 点知当我地想要medium熟既时候 个waiter竟然话8oz做唔到medium只可以做到medium-well done......结果无可耐何地唯有叫块12oz啦 讲真outback咁样限制生熟度啫系间接迫人食贵啲个种啫
试问边有人食牛扒会食medium-well.... 点都好~两个男人分一块牛扒 其实20oz都系湿湿碎既事~
番番入正题 块牛扒既medium讲得出做得到 切落去啲肉现浅红色unun地但又唔会话出哂血水咁生 好多出边同级餐厅都做唔到 呢点值得赞!
未食已经闻到香喷喷既炭火味混合著牛肉香 一口咬落去 半熟牛肉同油脂既口感真系好食 绝对令人忍唔住去食第二旧
J兄食完呢块久违既烧牛超级满意 话下次必定encore
若果唔理之前medium-well done既问题 我都认同呢个烧牛绝对值得一试!
另一个主菜: Ribs配烧鸡烧鸡可以选烧鸡胸or 半只烧春鸡
唯一既女性话要食鸡胸 所以我地放弃左春鸡
呢个猪鸡配盘相比烧牛就略为逊色喇
因为鸡肉烧得太过熟太过un 唔好食 下次一定叫烧春鸡 睇落份量都多啲啦~!
至于个ribs系好食的 但其实烧ribs呢样野间间西餐厅既味道都相约ga啦
好少可难食 只可以话呢到既ribs冇失手但又唔系超高水准
我觉得一试无彷 但唔系必食
食完既结论就系 头盘同牛肉都好食 下次有交易但其他既main dish好似鸡个类就一般般喇
正如一开始所讲 呢到一向都系聚餐之选 所以一定系KEEP住黎
只系下次一定唔会星五晚黎 太多人太吵嚷了 WAITER太忙搞到今日差啲连黑包都冇得食~
张贴
