8鍋臭臭鍋 (謝斐道) (已結業)

近排天气忽冷忽热，突然想去打边炉，但又撞正星期五晚，唔想排队等位，朋友建议去8锅臭臭锅食，我地收工黎到餐厅直入，唔洗排队。8锅臭臭锅系一间台湾风味嘅火锅，主打一人一锅，有唔同嘅锅底可以拣，例如招牌臭臭、台式麻辣、芝士牛奶、香蒜等等，锅底本身包埋丸类同蔬菜类等配料。肉类就有牛肉、鸡肉、豚肉和羊肉可以拣，我地拣左香蒜牛肉同古早三杯鸡锅，另外再叫多2款小食，盐酥鸡和台式蜜味香肠。锅底啲配菜嘅份量都好丰富，有娃娃菜、蜂巢豆腐、花支丸、蚬等等，味道不错。另外每张台上都摆有酱料，除左蒜、鼓油之外，佢地有豆板酱提供，钟意重口味嘅朋友，可以试试。但汤底本身都浓味，就算唔点酱食，都好够味。整体来讲，如果唔想排队，人数少又想打边炉的话，8锅臭臭锅系一个唔错嘅选择，配菜份量足够，锅底味道浓，价钱亦都合理。