泰COOL (鴻圖道) (已結業)

平时好少特登去观塘，一黎工厂区无乜野行，二黎多车又多人，唔想四围迫。适蓬星期五要到观塘做野兼系度收工，所以趁机觅食。我知道工厂大厦有唔少抵食餐厅，质素亦唔差，不过感觉唔够空旷，所以今次无拣到收藏左既工厦餐厅，最后去左间💛泰菜。已经记唔起上一次食泰菜系几时，只知道朋友想食虾饼，而我就想食软壳蟹咖哩。今次除左点左呢两款外，再加个串烧拼盘。泰式炸虾饼(三件) $58新鲜炸出，非常热气!! 分量同价钱成正比，不过虾肉唔够弹牙，同埋可能油温唔够高，加上”鲸”油唔够耐，食落油腻感较重。串烧拼盘(大) $108大同细SIZE只系相差$20，但串烧多3串，识拣一定拣大SIZE!!串烧有6串，分别猪牛鸡各一；三款串烧既底味都一样，分别在于其质感，鸡比较滑，猪同牛都较干身。拼盘中仲有烧猪颈肉，两个人食岩岩好，肉质唔干，但切得太薄，无爽口感。中意食辣既朋友一定要点个酱，佢D辣系慢慢渗出黎，而且都几辣下。咖哩软壳蟹(两只) $148呢度无薄饼，只有蒜蓉多士，但我唔想再汲取太多热量，所以无加到多士(跟咖哩价$30)。软壳蟹比我平时食既偏细只，而且食落无乜蟹香，有点失望….咖哩系偏甜口味，配粒粒分明既白饭都唔错。