Barista Caffe

营业中

休息中

星期六 12点放工，去到餐厅都唔使等位，因为到左1点左右lunch time已经有人系门口排队，好彩早左到，先唔使等位。因为友人在附近返工，话一星期都会黎一次，所以推介我地去试。lunch time menu 得几个选择，比较小款式，anyaway, 我地叫左 凯撒沙律， 千层面， Pizza。先讲餐汤，是日系红汤，入口比较酸，但味道都浓郁，唔会好似蕃茄水。烟三文鱼凯撒沙律味道一般，冇咩特别，同平时食开既一样。反而，芝麻八爪鱼薄脆Pizza 值得推介，同平时食开既Pizza 唔同，唔系一般既面粉饼层，系好似千层酥咁，好松脆，正!我地都叫左热咖啡，分别系榛子咖啡，焦糖咖啡，云尼拿咖啡，咖啡味比较重，友人话比平时浓郁。最后，甜品系野莓waffle, 虽然草莓比较酸，但waffle 本身松脆，唔会系好厚面粉果种，所以都值得一试，而且系超大份，$68都抵食。