影片
更多
2020-02-18
1947 浏览
星期六去开沙田整啲嘢，加上啱啱有新铁路🚞，所以就试下搭咗去石门，顺便食个Brunch。原来石门站一出有唔少食肆，本身想食𠮶间大排长龙，就再睇下有乜好食啦。见到有间叫兄弟工房嘅餐厅有提供Brunch Menu，环境又几Chill咁，就试下啦😉。Brunch有8款拣，由$78-$118不等，奉送冰茶及餐汤，价格正常。款式都几多种类，包括沙律、意粉、意大利饭、炸鱼、全日早餐同牛扒等等。我相信总有一款会啱食😝。餐汤系南瓜忌廉汤🎃，几Creamy又够浓，唔错。班尼迪蛋配菠菜烟三文鱼($108)，我最近都爱上咗食Egg Benedict🥚，呢到整得几好，块Muffin包包够松软，蛋系爆浆的，而且搭上荷兰汁配烟三文鱼，全部都系我钟意食嘅🤤。明太子忌廉汁炸虾意大利粉($88)，意粉造型吸引，有三只吉列炸虾🍤。意粉口感ok，我主要欣赏嘅系佢个明太子忌廉汁，好好食好惹味😋，而且仲配有唔少菇同芦笋。呢碟份量都多，食完会够饱。餐饮方面，我要咗呢到嘅招牌冻橙茶Iced Orange Tea🍊。唔系讲笑，呢杯真系超好饮！我无喺第个地方饮过呢只口味，有淡淡嘅橙香，但无橙嘅酸涩，又无渣；总之就同个红茶好夹。我直头想喺
星期六去开沙田整啲嘢，加上啱啱有新铁路🚞，所以就试下搭咗去石门，顺便食个Brunch。原来石门站一出有唔少食肆，本身想食𠮶间大排长龙，就再睇下有乜好食啦。见到有间叫兄弟工房嘅餐厅有提供Brunch Menu，环境又几Chill咁，就试下啦😉。
Brunch有8款拣，由$78-$118不等，奉送冰茶及餐汤，价格正常。款式都几多种类，包括沙律、意粉、意大利饭、炸鱼、全日早餐同牛扒等等。我相信总有一款会啱食😝。
餐汤系南瓜忌廉汤🎃，几Creamy又够浓，唔错。
班尼迪蛋配菠菜烟三文鱼
$108
50 浏览
0 赞好
0 留言
班尼迪蛋配菠菜烟三文鱼($108)，我最近都爱上咗食Egg Benedict🥚，呢到整得几好，块Muffin包包够松软，蛋系爆浆的，而且搭上荷兰汁配烟三文鱼，全部都系我钟意食嘅🤤。
明太子忌廉汁炸虾意大利粉
$88
34 浏览
0 赞好
0 留言
明太子忌廉汁炸虾意大利粉($88)，意粉造型吸引，有三只吉列炸虾🍤。意粉口感ok，我主要欣赏嘅系佢个明太子忌廉汁，好好食好惹味😋，而且仲配有唔少菇同芦笋。呢碟份量都多，食完会够饱。
餐饮方面，我要咗呢到嘅招牌冻橙茶Iced Orange Tea🍊。唔系讲笑，呢杯真系超好饮！我无喺第个地方饮过呢只口味，有淡淡嘅橙香，但无橙嘅酸涩，又无渣；总之就同个红茶好夹。我直头想喺屋企试下整嚟饮，哈哈😂。
朋友就要咗杯热咖啡(斋啡)☕️，佢话都几香，上面啲奶精甜甜地，唔错。我见到杯咖啡系用门口部咖啡杯整的。
环境方面，餐厅虽然细细哋，但座位都安排得几好。装修几简约同整洁，仲有少少花点缀🌷。我最钟意系门口嘅落地玻璃，令餐厅变得开扬同光猛。
总括嚟讲，呢餐Brunch确系唔错，简简单单，唔系话好惊艳，但已经令我哋食得好开心、好舒服😌。餐厅仲有播住熟悉嘅广东歌，正👍。
张贴
