部屋咖啡室

星期六同朋友嚟旺角行吓，行到攰就揾左呢间楼上Cafe轻松下。呢间Cafe有几多旅游书同埋游戏可以玩，几适合一班朋友黎叙旧。不过肚饿当然医肚先，佢餐牌选择都几多，而且份份都几吸引。我哋拣咗个自家制手打牛肉汉堡set同埋烤鸡蘑菇阔条面set，嘢饮就拣咗翡翠朱古力碎雪芭同埋八宝美颜花茶，仲加咗一份炸蟹饼小食。好快就上咗个沙律，一见到个沙律已经觉得几大份，而且感觉好清新，有面包碎配芝麻酱沙律，酸酸甜甜感觉好醒胃。然后烤鸡蘑菇阔条面卖相好靓，食落烤鸡几嫩滑，配埋蘑菇同忌廉汁阔条面一齐食味道好夹，而且配埋一条条蔬菜同埋车厘茄食感觉好清新，忌廉汁份量适中，唔会令到成碟阔条面感觉好水。至于自家制牛肉汉堡set个炸薯角系啱啱炸起，炸得好脆，一咬就系软林林嘅薯仔，有外脆外软嘅感觉。个牛肉汉堡一上就已经见到芝士流晒出嚟，感觉好吸引，而且个自家制牛肉汉堡唔会话好散，一咬落去食到肉质好结实，而且牛肉煎得啱啱好，感觉好满足👍炸蟹饼都系啱啱炸起，入面食到粒粒蟹肉，外皮都够香脆，而且每粒都几大粒，小食嘅质素都唔错。嘢饮方面，八宝美颜花茶比到好大惊喜，入面好足料，有杞子红枣龙眼肉等等，饮落好清甜，最钟意佢有淡淡杞子香味