影片
更多
2010-11-17
20 浏览
星期六放工叹茶 ~ 但都系工作一部份，唉 ~ 几个客专诚黎公司揾我食饭，原先佢地好想食日本野，但无奈地红磡并无有质数既日本餐厅，行到渔人码头，唔想再浪费时间四围揾，咁唯有又系饮茶啦，还掂我几个客都未去过囍满庭 ~ 我黎我最喜爱既无敌海景酒楼，连我啲客都大赞个景真系好正呀，饭后大家都好满意好满足 ~海蜇薰蹄，真系好食过好多烧腊舖、街市或快餐店，处理得佷好，够晒冻。薰蹄够香、肉味浓、肉咽靭、皮弹牙，海蜇爽口鲜味。好多年无食过咁有水准既海蜇薰蹄喇，如果可以落几滴麻油提升香味，咁就真系锦上添花喇。脆皮烧腩仔，保持高水准，皮脆肉嫰，系有四层架，层次分明，我谂迟早可以做到最高境界五层烧腩仔。点少少黄芥辣提味，咸香扑鼻，多层唔同既口感，脆、滑、爽、咽靭，超级既享受。口水鸡，好微好微既辣味，此菜式食其香不是食其辣，鸡肉嫰滑亦无过肥，汁料非常惹味香口。炸明虾角，此小点比起以前稍逊，无左外层既炸粉丝卷住、无左里面厚厚弹牙虾胶。虽然依家仲叫做好食又炸得香口，但啲馅少左好多啰。鱼汤鲜竹卷，将蚝汁转做鱼汤，味道清新左好多，无左油腻感同饱滞感觉，好喜欢，如果能够再热啲、再多啲汤更正。淮山四宝鸡札，卖相扣好多分，好
海蜇薰蹄，真系好食过好多烧腊舖、街市或快餐店，处理得佷好，够晒冻。薰蹄够香、肉味浓、肉咽靭、皮弹牙，海蜇爽口鲜味。好多年无食过咁有水准既海蜇薰蹄喇，如果可以落几滴麻油提升香味，咁就真系锦上添花喇。
脆皮烧腩仔，保持高水准，皮脆肉嫰，系有四层架，层次分明，我谂迟早可以做到最高境界五层烧腩仔。点少少黄芥辣提味，咸香扑鼻，多层唔同既口感，脆、滑、爽、咽靭，超级既享受。
口水鸡，好微好微既辣味，此菜式食其香不是食其辣，鸡肉嫰滑亦无过肥，汁料非常惹味香口。
炸明虾角，此小点比起以前稍逊，无左外层既炸粉丝卷住、无左里面厚厚弹牙虾胶。虽然依家仲叫做好食又炸得香口，但啲馅少左好多啰。
鱼汤鲜竹卷，将蚝汁转做鱼汤，味道清新左好多，无左油腻感同饱滞感觉，好喜欢，如果能够再热啲、再多啲汤更正。
淮山四宝鸡札，卖相扣好多分，好似散晒咁，颜色又暗淡，比人一种好斋好寡感觉。淮山口感好粉、鱼肚棉滑、鸡柳肉嫰、冬菇香浓够腍，不过不失，都可以啦。如果淮山切到薄如纸，烚软才卷住四宝就唔会散开，我系杂志见过。
水晶虾饺，虾肉鲜爽、皮薄馅靓，高质数。
蟹籽烧卖，口感实净啖啖肉，算系中上级质数，蟹籽虽然味淡，但一粒粒脆卜卜，口感有趣。猪肉味浓，少量肥猪肉提升香味，唔会散又唔太肥，好满意。
烚菜芯配淡豉油，新鲜爽嫰，够正。
珍珠鸡，我好欣赏依度啲珍珠鸡，系暂时我食咁多间酒楼中最足料、入味又唔油腻既一间。糯米蒸得非常软垫、黏口，好正。咬落去每一啖都有馅，唔会净系得糯米，而且仲有份量不少既咸蛋黄㖞，好正。
灌汤小龙包，等左好耐，最后先到，之前试过几次都好满意，但今日失左手喇。蒸得太耐，汤汁留失晒，皮已开始变硬，亦已塌下，唔再饱满咯，咬落口干争争，差。
咖喱鱿鱼，啲汁好杰，微辣，味道跟系街边小贩一样，一般啦。
张贴
