原作養生湯米線

营业中

休息中

上星期日落足成日雨，途经黄埔见到呢间米线唔算多人排队，入去食返碗米线，暖一暖身。原作养生汤米线系一间主打健康养生汤底嘅米线舖。我叫左一碗虫草花胶鸡汤米线，汤底唔会太咸，花胶偏Q弹有口感，鸡方面就系鸡髀肉（无额外加钱转），米线软硬适中，加埋虫草花，感觉上几健康。如果你钟意啲浓味嘅汤底，都可以试试佢地嘅重庆水煮鱼鸭血米线，辣度有大中小辣拣，虽然呢款系偏浓味嘅汤底，汤底味道都唔会过咸，而鱼片都够滑身，都系一个唔错嘅选择。另外，我地叫嘅系午市套餐，除左有主食，仲包一款小食同饮品。我地拣左桂花蜜糖鸡翼、鲍汁时蔬，同埋自家罗汉果茶。罗汉果茶饮得出系自家煮，罗汉果味浓，而且无落太多糖，啱晒饮开少甜嘅人。