牛霸王

营业中

休息中

今日去咗观塘买恤衫，见到APM食嚟食去都系𠮶啲大牌子，所以谂住帮衬吓工业大厦的小店，我钟意嚟成业工业大厦呢边，因为门面非常之光鲜👍🏻一楼有一间食日本丼饭，上次食过非常足料，做埋晚餐，十分饱肚，小食亦都非常之日式，又多选择，最紧要系性价比高，价钱一啲都唔贵。我今日星期六晚上叫咗个鳗鱼饭，都只不过系$88 ，叫埋嘢饮都只不过系加$5 ，非常公道。鳗鱼10分肥美，鳗鱼酱汁同饭好夹，淡淡满足，甜甜地，又有鳗鱼的轻轻烤香。小食加配有好多选择，我今次叫紫薯饼，入面粒粒紫薯，脆卜卜，入面又绵又甜。另一个小食是芝麻鸡翼，炸得非常之香脆，入面保持住肉质，外脆内多汁。饮品方面，我叫咗柚子蜜，大大杯，中和返头先食咗咁多煎炸嘢。