影片
更多
2024-05-11
470 浏览
星期六晚见呢间有位唔洗等就试吓，因为附近大部份食肆都要等位，点知就系中伏嘅开始先讲服务，除咗个经理之外，其他楼面后生女职员都真系犀利👍🏻自问唔系要求店员要卖笑嘅人，但系佢哋啲「礼貌」真系由心而发出嚟。事源我落完手写单，等咗好耐都未有嘢食，至少都10-15分钟，直到隔篱有台新客坐低，一坐低无几耐就有嘢食，之后我就问店员有无落单，然后就见到佢就咁摆咗张落单纸喺经理后面。我谂最基本都讲声「唔好意思落漏咗单」，点知一句都无讲过就行开咗👍🏻另外仲有就系嗌咗个酸菜白肉锅，相信个煲都有返咁上下热力，然后个店员放喺一个2岁小朋友面前，叫佢放另一边就西口西面😂之后就讲食物，嗌咗五样食物：担仔面、肉燥饭、蚵仔酥、台湾烤肠同埋酸菜白肉锅担仔面系几好食，台湾肠都正常水平肉燥饭，我谂大家都expect系甜甜地，但系嚟到个肉燥饭劲咸而且有少少辣椒碎，我唔可以讲话好难食，但系完全唔系大部份人心目中嘅肉燥饭蚵仔酥还可以，但我谂几十粒入面得5,6粒系比较丰满嘅size，其他细粒过花生至于个酸菜白肉锅就真系经典，酸菜唔酸，白肉厚切之余仲要无切走层皮，我谂叫做腩白菜锅就差唔多总结：peak hour唔洗排队系有佢嘅原因🤣
先讲服务，除咗个经理之外，其他楼面后生女职员都真系犀利👍🏻自问唔系要求店员要卖笑嘅人，但系佢哋啲「礼貌」真系由心而发出嚟。
事源我落完手写单，等咗好耐都未有嘢食，至少都10-15分钟，直到隔篱有台新客坐低，一坐低无几耐就有嘢食，之后我就问店员有无落单，然后就见到佢就咁摆咗张落单纸喺经理后面。我谂最基本都讲声「唔好意思落漏咗单」，点知一句都无讲过就行开咗👍🏻
另外仲有就系嗌咗个酸菜白肉锅，相信个煲都有返咁上下热力，然后个店员放喺一个2岁小朋友面前，叫佢放另一边就西口西面😂
之后就讲食物，嗌咗五样食物：担仔面、肉燥饭、蚵仔酥、台湾烤肠同埋酸菜白肉锅
担仔面系几好食，台湾肠都正常水平
肉燥饭，我谂大家都expect系甜甜地，但系嚟到个肉燥饭劲咸而且有少少辣椒碎，我唔可以讲话好难食，但系完全唔系大部份人心目中嘅肉燥饭
蚵仔酥还可以，但我谂几十粒入面得5,6粒系比较丰满嘅size，其他细粒过花生
至于个酸菜白肉锅就真系经典，酸菜唔酸，白肉厚切之余仲要无切走层皮，我谂叫做腩白菜锅就差唔多
总结：peak hour唔洗排队系有佢嘅原因🤣
张贴
