FRITES Belgium on Tap (曦巒) (已搬遷) 新店位置

作为食肉兽，见到近排咁多人讲起依间餐厅，就Book咗枱嚟到Frites任食牛扒！$295+10%同另一间都系食牛扒，不过系薯条任食，比较起嚟任食牛排好似抵好多。第一Round嘅牛扒，等左十分钟左右上枱，都有牛味嘅，不过肉质就比较多咬口，任食嚟讲依个质素OK嘅，而且份量唔姑寒，好大块，绝对够饱。而Side嘅薯条炸得好脆，好食。食完第一块waitress主动走埋嚟问要唔要再点牛扒，服务唔错。嘢饮就叫咁杯Mocktail，比较普通，味道啖，可以留肚出去再饮其他嘢。最后都系每人食咗两块牛扒，已经超饱，如果再拣，未必会任食，反而叫其他Main，试多几款无咁闷。