Our Restaurant

营业中

休息中

　　原本行过系为左揾筑地，但系行黎行去都揾唔到，突然见到两支烤肉入眼就即刻俾佢吸引左。当时算系午市，离奇系全店只系得两个客，我心大心细唔知帮唔帮衬好，后黎见到有报纸广告介绍就入左去。门口写话星期四至日有羊肉，所以叫左转转转烤羊肉卷外卖，佢地用锡纸包住个卷黎keep温度，不过好可惜系我住得远，返都屋企都冻晒喇。店里面见到外籍老板同另一名识外语+广东话o既店员，全程服务非常好，老板用好勉强o既广东话serve客人而且仲听得明，实在勇气可嘉。　　我唔知道堂食其他主菜 / 饭 o既质素系点样啦，只知道呢个转转转烤羊肉卷肯定好食过delifrance o个D，如果堂食应该仲有茶送。羊肉系预先切碎o既，肉 / 菜 / 酱汁 都足料，无呃人，相信客少真系有客少o既优点。三十几蚊买一个卷有D贵，如果买牛羊，个价会比较合理，鸡就... 讲起黎个卷o既酱汁味道有少少似旋风鸡卷........ 如果你有部份配料唔岩食，可以同佢讲话唔要，辣酱多少都系可以调校o既。　　会再帮衬，第日有机会再试主菜。