Lamlam脷

营业中

休息中

一直想试佢哋嘅蛋糕。星期日去到，好惊喜地有位坐。真系劲多人，不过大部份嘅人都系去攞蛋糕。堂食嘅就唔系太多人。啱啱好坐满。等攞蛋糕嘅人多到好夸张。起码有二30个人长期企喺度。楼面只得两个。所以基本上冇人执枱。我哋坐低嘅时候，要自己执返上一手嘅嘢。叫咗一个焦糖牛乳千层蛋糕，一个抹茶流心千层蛋糕，同埋一个香芋蛋卷。焦糖牛乳千层蛋糕有啲脆脆喺入面。OK好食。啲忌廉都几油吓。系𠮶种食完之后，你会feel到上颚有一浸油。但系都好食嘅。个抹茶流心千层蛋糕，好够抹茶味。都几甜下。如果少啲糖会好啲。个香芋蛋卷嘅香芋，系有一粒粒嘅香芋喺入面。唔知系咪特登。定系纯粹打得未够烂。我呢个唔系咁啱口味，因为自己钟意一啲比较棉袜嘅香芋蓉。呢个就一嚿嚿…仲叫咗一个抹茶牛奶。觉得牛奶嘅味都好重，盖过咗抹茶嘅味道。都有抹茶味，但系主要系牛奶味。适合一啲唔钟意饮抹茶嘅人。