籠太子點心專門店 (已結業)

本来打算去时代广场食上海菜，点知去到连排队都冇得排，原来要预早成个礼拜打电话订位先有，真系好好生意。误打误撞揾咗呢间专做点心嘅餐厅食个下午茶，位置好方便，而且餐厅入边嘅座位都好阔落。首先值得一赞嘅系食物都系新鲜出炉，所有食物连埋杯茶都好热咁上枱，而我觉得食点心最紧要系够热！我哋叫嘅都唔系啲咩太特别嘅点心，虾饺烧卖都做得相当有水准，虾饺皮够薄，烧卖够弹牙。小笼包的确好多汁，只系略嫌接口位嘅皮做得太厚。叉烧肠嘅肠粉皮都够晒簿。雪山叉烧包同埋糯米鸡我觉得就同出边酒楼食嘅差唔多啦。而且餐厅嘅侍应都好有礼貌，成个气氛都相当唔错，以上我哋食咁多嘢两个人埋单都系$174 ，性价比相当高。