韓樂 (T Town North)

营业中

休息中

假日路經，係門口比餐牌吸引左，入去食茶餐。點左炒烏冬同黑松露滑蛋牛角包餐，味道一般，份量尚可，價錢可接受。場內好大，坐卡位舒服，落單後15分鐘內來齊。烏冬個燒汁偏甜少少，一上枱夠熱，賣相亦唔錯。豚肉片醃得幾香，有幾片香菇。牛角包麻麻，唔熱，食唔出黑松露味，蛋唔算多，生菜有兩大塊，整體食落唔香。熱飲點左熱華田同熱呵力，唔錯，唔會好稀、唔會過甜。另外$10加點薯條，比m記既粗一倍，但唔夠熱又唔夠脆，比上不足，比下有餘，可以唔洗試。服務OK，送餐有效率，但失望既係每次都係同 係門口睇餐牌個時既期望有落差。食物質素係普通。