The Blind Pig (蘇豪東B期)

营业中

休息中

The Blind Pig午市换上全新餐牌，菜式好多元化，有德国咸猪手、德国香肠拼盘、西班牙tapas, 西式pasta同埋汉堡之类。杂菌松露意大利饭松露意大利饭好香，佢嘅米饭煮得恰到好处，每粒饭都带有浓郁嘅松露香味同埋杂菌嘅鲜味。饭本身好Q嘅，同蘑菇一齐食，味道更加丰富。招牌德国咸猪手，烤薯，酸菜猪手好大份，外层焗得非常香脆，里面嘅肉却非常嫩，保持著丰富嘅肉汁，口感非常丰富，每一啖都带有强烈嘅对比，令人回味无穷。配上芥末籽忌廉汁，平衡猪手嘅油腻感，加多一份风味。肠游世界拼盘呢道菜集合咗多款世界不同口味嘅香肠。德国香肠，南非香肠，斯洛文尼亚香肠，奥地利烟熏芝士肠，烟熏牛肉肠，鸡肉芝士香肠。每款香肠都有佢独特嘅风味同埋质感，搭配新鲜嘅烤蔬果，能够平衡香肠嘅油腻感同埋增添口感层次。卡邦尼蛋汁烟肉意粉意大利嘅经典菜式，以浓郁嘅奶油酱汁同埋烟肉粒煮成嘅意粉。每一啖都散发出香浓嘅奶油味同埋烟肉嘅咸香，令人无法抗拒。酱汁嘅浓稠度啱啱好，能够将意粉同酱汁完美地挂在一起。呢间餐厅又可以饮嘢嘅同时又有德国菜食，而且又有波睇，啱晒一班friend聚埋睇波吹水食饭。