八百善 (已結業)

本身谂住饮茶，去到V City 先发现开左间新日本菜餐厅，于是决定试下好唔好味。餐厅装修简约，墙上嘅木牌增添左几分日式风味。可能新开嘅关系， 星期日都有午市定食，不过价钱都唔便宜。我地一行4人就叫左头4个定食。我食嘅系豚肉生姜烧定食，包一个沙律、一个酱渍莲藕同面豉汤。沙律嘅酱几特别，唔系蛋黄酱，食起黎甜甜地，都几开胃。另外面豉汤好足料，除左海带，仲有虾米同豆腐，饮落好鲜甜。豚肉好甜，不过好香，都几好食。蕃茄香味鸡盖饭～推荐！鸡肉多汁！起初唔知烧一夜干系咩，细问下原来系鱼，份量都几多，大大条，大家一齐分享。鱼肉肉质唔错，送饭好岩。友人嘅猪扒饭，猪扒炸粉薄，一食就感受到肉质鲜嫩。餐厅嘅櫈几靓～有d艺术感，只系唔太好坐。