Sky726

Sky726 邻近旺角站，地点方便；处于25楼的高度配合落地大玻璃窗视野广阔，来到嘅时候啱啱好黄昏可以睇到夕阳🌇，入夜时天花的灯好似星星一样，玻璃亦倒照出另一面的星空🌃；环境舒适，蜡烛营造出烛光晚餐的气氛🕯️法式薯角：外皮炸得好香脆，热辣辣到烫口，份量都几多🦐珍宝虎虾意大利饭伴龙虾牛油汁虎虾有三只，都几大只，肉质新鲜，爽口弹牙，加咗牛油汁同香草煎香提升鲜味；意大利饭软硬适中，煮得恰到好处，加咗龙虾汤煮味道浓郁。香草烧春鸡（半只）烧春鸡外皮焗得好香脆，加咗香茅同椒盐去焗十分惹味，好似孜然鸡翼咁，内里肉质比较结实。整体来讲，食物质素不错；店员服务态度殷勤有礼；环境舒适，系二人世界或庆祝特别日子唔错嘅选择。