雲來軒 (已結業)

素来爱吃中菜的我，知道好多明星都会来帮衬呢间餐厅，当然要来试试啦。云来轩个名好有诗意，令我更期待呢餐饭。原来仲攞过咁多奖，质素应该有保证。首先来了碟冰荷浓酱脆皮安格斯牛仔腩，果然无令我失望。炸过既牛仔腩外皮好松化，安格斯牛肉质淋得来又有牛味，配埋秘制咖哩酱更惹味。炖汤周围都有，用功夫茶壶炖既汤就真系比较少见，细细既功夫茶杯更能锁住汤既温度。呢个日本花菇鸡脚炖螺头好足料，饮完好滋润同满足。金砖豆腐：炸过既豆腐表皮好香脆，入面既豆腐就好嫩滑，一次过有两个口感👍🏻水芙蓉蒸明虾球：呢个得奖菜式真系斋睇个样都知好食，虾球够大只好爽口，配上滑嘟嘟既蛋白去蒸好夹。醒胃话梅鸡(半只): 用石锅上枱，够晒热辣辣，话梅汁好开胃三十年新会陈皮红豆沙: 一上枱就闻到好香既陈皮味，碗红豆沙够滑！