聰嫂私房甜品 (已結業)

老板突然皇恩浩荡，要请整个部门食甜品。 小秘书当然拣自己想食嘅—— 以前喺湾仔返工已经成日食聪嫂甜品，唔知肯唔肯送外卖嚟中环呢?可能因为数量较多，对方一口答应。大约等咗一个钟左右就有得食(搭车同行过来都需时啦)我觉得算系好快。好多同事都拣咗出名嘅杨枝甘露， 听落就知稳稳阵阵一定唔会难食。少数爱食榴梿嘅同事，拣咗榴梿班戟……虽然我唔敢试，但佢哋话好正……我相信榴梿爱好者会啱食嘅。至于我就拣咗芒果奶昔双皮奶，芒果好新鲜 好甜，双皮奶嘅奶香好出，口感滑溜，同芒果系perfect match!好彩冇跟大队嗌杨枝金露，如果唔系就错过咗呢款美食喇……希望老板快啲再请食下午茶，到时再嗌!