村爺爺車仔麵

营业中

休息中

今日去开油麻地都唔知食乜好，同其他人一样去open rice 睇吓有乜好介绍，揾到呢间村爷爷车仔面，初初以为普通嘢⋯⋯点知去到，竟然见到有条长长的人龙，本想离开，但谂谂吓，咁多人等应该都系好食先会有咁多人等，唔赶时间嘅我就继续排落去。无放弃。好快到我哋啦，入到去原来都几好坐，门口接待客人𠮶位靓女都好有礼亲切，坐低叫咗个鸡件鱼腩杂菌泡饭，白饭是分开的，呢个好好，我选择了虫草花鸡汤底，门口个𡃁女推介，第一啖饮就已经觉得好甜，鸡件好嫩滑，鲩鱼腩都好新鲜，类菌主要系秀珍姑，金姑，整体份量好够，白饭一大碗，我都食唔晒，下次要叫小饭，下次会再去帮衬，不过，美中不足系餐牌都写得几乱，第一去真系睇到眼花花。除此之外，坚无得弹，呢个价钱已经算系对得住食客，抵赞㗎。