聰嫂私房甜品 (已結業)

星期日与朋友唱完K, 行行吓有人派传单俾我哋, 原来系聪嫂既员工, 佢话聪嫂响湾仔开咗新分店, 咁我哋又想揾个地方倾吓计, 所以走咗去聪嫂食甜品。一去到, 已经见到楼底好高, 装修以墨绿 + 纯白 + 浅木为主, 感觉好舒服。不过唔知系咪未正式开业, 竟然唔洗排队...坐定定之后就叫咗芒果豆腐花 + 蜜瓜西米冰，等咗唔洗3分钟就送到我哋面前。我朋友系芒果同埋豆腐花既爱好者, 聪嫂就可以满足到佢。呢个芒果豆腐花, 最上层系新鲜芒果粒--好甜既芒果肉, 跟住中间系芒果雪葩--好鲜甜, 系新鲜果肉打出嚟既味道, 最低层系豆腐花--好似豆腐花冰咁,好特别, 于是我哋问聪嫂员工点解系豆腐花入面有小冰粒, 佢话原来可以豆腐花走冰, 咁样就会俾滑溜豆腐花我哋...真系学到嘢....另外我就点咗我既最爱蜜瓜西米冰, 今次一次过加晒黑珍珠同埋水晶珠落碗蜜瓜西米冰度, 完成品个样真系好靓 但因为太满, 成日"不"跌d粒粒。不过绝对唔影响个味道, 新店依然保持水准。蜜瓜西米冰软绵绵、甜度适中、加埋好有咬口既水晶珠同埋黑珍珠, 真系绝配。如果可以多几粒新鲜蜜瓜粒就好喇!!