亞參雞飯 (+WOO嘉湖)

营业中

休息中

🌟叫主菜或饭面，优惠价两款小食$39，三款$57。明炉酸辣亚参鱼配白饭，分店限定优惠$88，星期日都有👍，唔使谂即叫。两个人，一个主菜配两个小食刚好，食饱去打波唔会饱到顶住🤣。🍞斑兰咖央多士嚟到梗系要叫咖央多啦，我真系好钟意食包😌。牛油系冻嘅，咖央唔太甜，配上脆脆多士，可惜唔够热，呢个咁邪恶嘅组合好味丫😋。🍖香烤猪肉串手指咁上下大，肉质弹牙，烤得好香，旁边嘅酱咸咸地，点住食好惹味。🐟明炉酸辣亚参鱼配白饭 夏天又热又湿，冇乜胃口，最啱食啲酸野。由于唔食得辣，叫左少辣。嚟到试味，酸多过辣，啱晒我😋。条仓鱼都几大，两个人都够食，肉质唔鞋。配菜有好多蕃茄，白茄子，洋葱。汤汁好开胃，鱼肉沾满汤汁食好味丫，平时唔好饭嘅我，捞汤都食左半碗饭🤣。食辣点少得冻饮😁，呢杯柑橘特饮唔系好酸，甜甜地，几清爽。