麵麵店 (已結業)

今日约咗朋友喺将军澳新都城有d野拎畀佢，热辣辣唔想行返出商场，所以就决定系附近一齐开餐行行下见到有间〈面面店〉系小仪开嘅，就一于试下啦。难得就算无food court都可以几十蚊就喺商场入面凉住冷气食个饭嘛！！最抵嘅四𩠌套餐$44就可以四𩠌加一面，仲有嘢饮，好抵！大胃王仲可以拣贵少少但多好多𩠌嘅〈招牌杂烩面〉另外仲有地道小食，鱼蛋猪皮同萝卜相信绝对系好多人嘅最爱。当然一般嘅车仔面料都全部有齐。值得一赞嘅系采用更环保既电子落单，先扫左每张枱上面嘅QR Code,之后拣好食物就拎出去柜面畀钱后等食就得，唔似得传统车仔面店咁每碗面都用一张纸落单，唔环保喔！！同朋友各自嗌咗杯浓郁嘅豆浆，仲有杯酸酸甜甜嘅紫背天葵，夏天热辣辣饮就最正。拣咗新鲜爽脆嘅菜底之后仲叫咗味浓又Q弹中带爽脆既猪耳。最贴心嘅系店家将麻辣莲藕同酸斋用另一只碟上，绝对唔会浸到淋晒，抵赞抵赞朋友亦都唔执输，叫咗佢哋嘅招牌麻辣莲藕同麻辣腩肉片，辣得劲过瘾。最后绝对要推介小仪自家制的秘制劲辣菜脯，够辣又劲爽脆，无论捞面定汤面一齐食都劲正。