映月樓

营业中

休息中

今晚一家人去映月楼果度饮茶，去果度食系听讲话环境好，如果订台订得早可以坐窗边台，可以睇到维港夜景，一边食一边欣赏夜景，好赏心悦目。可能因为环境问题，所以呢度嘅同类食品价格都比其他要贵少少，但做得比较精致，一份收挞有三个，睇落个样几OK，食落觉得都几可以，蛋挞皮好酥，好有层次，蛋液整得好滑好有蛋味同奶味，不过我觉得有少少甜，食一个就OK。春卷好似有少少隆，但炸得好脆，入边D馅都调得味道好好，咸咸脆脆，几好食，食落好香脆。瑶柱韮菜水晶饺觉得整得好靓，以前无食过瑶柱整嘅饺子，觉得几特别，而且系水晶皮，睇到入边有咩馅，估唔到瑶柱搭配韮菜又几好食，觉得几有新鲜感，味道几好，不过分量就比较细，我一个人都差唔多可以食完一笼，几得下。