星巴克咖啡

营业中

休息中

最近天气逐渐回暖，顺理成章好多饮品同食品都会以花做主题。今年Starbucks既春季主题都系一样，粉红色仲有花，去到见到差不多个个女仔都点，相信已经成功迷倒一众女性。〈草莓蜜糖花见忌廉星冰乐〉特大装要$51都几贵，不过老婆坚持要买嚟饮就冇办法啦。满满嘅忌廉上面仲有啲蜜糖味嘅脆米，口感都几好。饮落去味道似士多啤梨味雪糕，几香甜！同期仲有白桃味同柚子味嘅布甸。$25一杯细细杯都几贵。细细盒嘅布丁出面仲有块硬卡纸包住，其实真系有需要咁多重包装吗？打开眼卡住之后系一个细细嘅胶杯，质地都几厚身，希望洗干净后投入回收箱是可以循环再造到吧！讲返个布甸，唔算好香滑，有少少沙沙的感觉。但内里有一块细细片嘅白桃，感觉好似冇咁肉赤。同期的热饮是〈草莓蜜糖花见朱古力咖啡〉。一杯大饮品再加杯细细杯布甸就70几蚊，老婆你下次都系自己畀钱饮啦。