耘 (豐盛創建大廈)

营业中

休息中

如果你系中环返工，就一定有听过「耘」，呢间拉布肠粉开左两年左右，日日lunch time都大排长龙，师傅即叫即整，值得一赞嘅系，除左师傅身水身汗做岀嚟嘅心机嘢之外，味道好仲要价钱平，系中环食到个$40嘅lunch 都真系偷笑。-你以为石磨肠粉啖而无味又食唔饱？咁你实在太年轻啦，我次次食麻酱鸡丝肠粉都好饱，连男士都够食(大食少少嘅男士可能有时加个烧卖或者粢饭🤣)，鸡肉又多，青瓜又足料，有时想丰富啲就会加埋蛋，够哂有营养啦！-另外，唔好以为佢嘅家乡蒸米粉，就系普通炒米粉，入面嘅材料都好丰富，米粉亦都唔会一pat pat，吵得丝丝分明。顺带一提，烧卖附送嘅辣酱油都非常惹味，钟意食辣嘅朋友，千祈唔好错过！-另外佢嘅豆浆咖啡都好好饮，用豆浆取代奶去调制咖啡，饮完特别醒神！顺带一提，如果唔想排长龙，记得预早15分钟WhatsApp餐厅，就可以落咗单先，煮好就拎得外卖啦，方便快捷！