春嬌越南河

营业中

休息中

一间隐世食店，座落于一个平平无奇，低调嘅小屋邨商场，但就好似漆黑中嘅萤火虫一样咁鲜明，咁出众，依然掩盖唔到佢绽放嘅光茫。下班嘅我带住疲惫嘅身躯，被呢间店名吸引左，因为我就咁岩叫志明，彷佛系命中注定嘅一间食肆。我叫左呢度嘅驰名招牌烧春鸡，虽然需时15-20分钟，但慢工出细货，一切嘅等待都系值得嘅。鸡皮外脆内软，轻轻一切已经可以感觉到鲜嫩鸡肉嘅呼唤。我顺住鸡嘅骨骼纹理，如庖丁解牛探索锁系入面嘅肉汁，烧得够火喉又唔会韧，脆而不会干身，可以话系每个细节都恰到好处。我将一片鸡肉放入口中，天呀，点解会有咁好食嘅鸡？感觉好似重新回到初恋一样，此鸡只应天上有，人间难得几回闻！我手起刀落，两下食完只鸡，其他嘅生菜包，牛肉串，一样超水准演绎，彷佛食出人间嘅五味纷陈。