春嬌越南河

营业中

休息中

呢间餐厅位于坑口一间啱啱翻新好嘅商场，入边有几间新嘅食肆，而我哋决定先试呢间越南餐厅，睇吓会唔会撞到志明😂。餐厅鼓励客人用手机落单，所以提供用手机落单减$2蚊嘅优惠，好抵😛，要赞下佢。春娇火车头金边粉估唔到碗粉嘅配料包括花胶，呢个对于想美颜养生嘅人黎讲会加晒分。另外佢嘅牛肉同牛腩都易咬开，牛丸都多牛味。香茅猪扒小食猪扒份量比想像多，虽然佢得三块，但系个三块每块都比手掌大少少。而佢嘅味道几好，系越南嘢食有嘅香茅味，加上佢甜甜地同烤得松软，令我想食多几块🤤春娇秘制烧春鸡配薯条好有越南特色嘅烧春鸡！先讲只全鸡size 系中等嘅，份量大约系1.5个人份量，我地食咗呢几款食物会觉得好饱食唔晒。讲埋佢个皮，似系加左蜜糖再烤过，甜甜地又好脆，佢俾埋半粒青柠你揸汁，个种特色我哋好钟意。肉质嫩滑，亦配两款酱汁可以点，钟意甜辣酱同酸醋嘅人就啱晒。玫瑰茉莉花茶花茶用茶包包住，泡出来有玫瑰同茉莉嘅香味。越南咖啡咖啡都唔错，但饮开普通咖啡嘅人可以落单要求加少啲炼奶。