影片
更多
2023-06-16
467 浏览
琴晚经过尖沙咀美丽华,见自己好耐冇食台湾嘢,于是入咗去春水堂食.坦白讲,食物本身同埋环境加服务都算尚可👌,但只系真系觉得佢自从5、6年过江来咗香港,买嚟买去都系𠮶啲,又冇新嘅饮食menu出,面相佢见有既食物变得非常冇惊喜.当晚叫咗个 1）盐酥鸡翼卤肉便当 + 2）黑糖琥珀珍珠拿铁. 先讲便当 -- 见到waiter都好有礼貌送上便当,一碗牛丸汤同一只恒过温嘅暖汤羹同盘碟. 传统台湾美食、搭配上日本便当concept去包装呈现畀客人,呢一点都可以见到台湾深受日本包装文化嘅影响. 便当分开四格（卤水蛋、烚菜同菇、白饭加鲁肉、盐酥鸡翼）、中间就用腌制萝卜隔开（同日本一样、以作开始进食浓味食物之前清洁口部之用）、盐酥鸡翼炸得外脆内软而且亦都唔会过于咸👍呢一部分真系交足功课,一个便当三只鸡翼,冇一只有失准.但好可惜,其余三格,妈妈虎虎卤水蛋口感好似橡胶一样（好明显摆咗好耐）、鲁肉亦都好干、油脂部分完全干成膏状（变咗食唔到佢个种油香味）,好彩佢哋都仲保留用梅干放上白饭上面,白饭变咗仲有少少甘甜既味道.至于菇同菜...基本上只系滚水烚出嚟,制法冇经过任何思考,所以冇乜好comment🤷牛丸汤就直头
坦白讲,食物本身同埋环境加服务都算尚可👌,但只系真系觉得佢自从5、6年过江来咗香港,买嚟买去都系𠮶啲,又冇新嘅饮食menu出,面相佢见有既食物变得非常冇惊喜.
当晚叫咗个 1）盐酥鸡翼卤肉便当 + 2）黑糖琥珀珍珠拿铁. 先讲便当 -- 见到waiter都好有礼貌送上便当,一碗牛丸汤同一只恒过温嘅暖汤羹同盘碟. 传统台湾美食、搭配上日本便当concept去包装呈现畀客人,呢一点都可以见到台湾深受日本包装文化嘅影响.
便当分开四格（卤水蛋、烚菜同菇、白饭加鲁肉、盐酥鸡翼）、中间就用腌制萝卜隔开（同日本一样、以作开始进食浓味食物之前清洁口部之用）、盐酥鸡翼炸得外脆内软而且亦都唔会过于咸👍呢一部分真系交足功课,一个便当三只鸡翼,冇一只有失准.
但好可惜,其余三格,妈妈虎虎
卤水蛋口感好似橡胶一样（好明显摆咗好耐）、鲁肉亦都好干、油脂部分完全干成膏状（变咗食唔到佢个种油香味）,好彩佢哋都仲保留用梅干放上白饭上面,白饭变咗仲有少少甘甜既味道.至于菇同菜...基本上只系滚水烚出嚟,制法冇经过任何思考,所以冇乜好comment🤷牛丸汤就直头系滚水烫口...
然后到咗整晚最失望嘅- 黑糖同琥珀嘅份量完全拿捏错误,变咗饮出嚟嘅口感系带苦嘅味道. 成杯嘢攞嚟打卡就好好睇,但一饮,就意识到另一回事.
我帮衬呢间舖头第一次系喺台湾,到而家计埋香港我谂都有3、4次🤔,总括而言,佢每一次畀到我嘅感觉都算系坐得企理干净,舒服唔逼喼,侍应有礼貌. 然而,佢嘅食物持续系一个“不过不失“嘅状态,本来其实就冇乜特别,但系若果叫两样嘢埋单要140蚊再加一,性价比自自然然就拉低咗.
更加好味嘅台湾家乡食品（例如喺荃湾某间夫妇店舖、又或者中环嘅牛肉面）、出面大把、珍珠奶茶亦都系、咁点解D人要返嚟食呢？春水堂哋嘅定位系点嘅呢？我谂呢啲都系值得谂下👆
希望春水堂可以继续引进多啲唔同食品,同调整一下佢嘅价格同市场策略.💪💪💪（我依然想返嚟食、但系唔系带住迷惘嘅样返嚟）
张贴