影片
更多
2014-02-02
1816 浏览
春节期间啲食肆唔系冇开就系加价，冇乜好食就试吓啲其它。有听过认识嘅印度朋友推荐呢间印度小店，所以走去试吓！之前有经过，买过件油酥饼外卖，但系就冇认真去品尝！今次系一个 late lunch，里面唔大，只得５枱，可以坐１８—２０人。入到去已经有４枱人，刚刚剩番张细枱俾我！楼面个应该系印度人，人好nice，识广东话。因为唔系好肚饿，只叫咗份咖喱鸡翼，油酥饼同冻印度奶茶，总括嚟讲，味道几好，以后去开黄金商场附近就多个选择！鸡翼食落味道好似 Tandoori Chicken，不过系炸唔系烤嘅，所以比较多油。我自己好钟意 Tandoori Chicken 嘅味道。油酥饼同薄饼都系即制即煎，热辣辣咁食，好正！比较失望系个印度奶茶，主要系同我期望嘅味道唔一样，可能系唔同嘅地方用嘅香料同配方唔一样，另外就系入口时水水地冇乜味道，要入咗口后面先有香味，而且有啲好幼细嘅茶渣会经由吸管一齐入口！为咗试真啲，我再叫咗个热印度奶茶，香味冇因为热咗而提升，只系因为唔驶用饮管，所以唔驶饮埋啲茶渣入口！
有听过认识嘅印度朋友推荐呢间印度小店，所以走去试吓！之前有经过，买过件油酥饼外卖，但系就冇认真去品尝！
今次系一个 late lunch，里面唔大，只得５枱，可以坐１８—２０人。入到去已经有４枱人，刚刚剩番张细枱俾我！楼面个应该系印度人，人好nice，识广东话。
因为唔系好肚饿，只叫咗份咖喱鸡翼，油酥饼同冻印度奶茶，总括嚟讲，味道几好，以后去开黄金商场附近就多个选择！
鸡翼食落味道好似 Tandoori Chicken，不过系炸唔系烤嘅，所以比较多油。我自己好钟意 Tandoori Chicken 嘅味道。油酥饼同薄饼都系即制即煎，热辣辣咁食，好正！
比较失望系个印度奶茶，主要系同我期望嘅味道唔一样，可能系唔同嘅地方用嘅香料同配方唔一样，另外就系入口时水水地冇乜味道，要入咗口后面先有香味，而且有啲好幼细嘅茶渣会经由吸管一齐入口！为咗试真啲，我再叫咗个热印度奶茶，香味冇因为热咗而提升，只系因为唔驶用饮管，所以唔驶饮埋啲茶渣入口！
张贴
