春禧堂台灣料理餐廳 (已搬遷) 新店位置

今日朋友约去西九文化区影相，影完之后朋友话好肚饿，不如去附近食下野，但圆方嘅餐厅都比较贵，而家月尾人工所剩无几，朋友就建议不如去中港城揾下有冇野食，因为果度都有影相位可以影下，于是就上左黎中港城平台花园见到呢间新开嘅台式餐厅。呢间餐厅嘅装修用新派嘅打卡风，食物卖相精致得黎味道都几好。呢个盐酥鸡扒肉燥饭鸡扒大大块，外皮酥脆同平时食嘅炸鸡扒唔同，鸡肉肉质嫩滑，饭粒用左珍珠米，搭配埋肉燥饭口感唔错。饺子汤用咗浓郁嘅牛骨汤，汤底呈深啡色，牛肉味相当浓郁饺子就一般嘅肉饺但吸入左牛肉嘅浓汤，系另一番嘅体验食台湾野又点少得一杯黑糖珍珠鲜奶，黑糖味够晒浓。卤水豆腐口感有D 似臭豆腐，但就充满住卤水嘅香味。三盛红烧牛肉面有牛肉、牛腩同牛丸。面质煮得够弹牙，牛亦都煮得够入味，不过汤底稍微唔够辣，但店员都好乐意帮我加辣，服务值得一赞。杂果黑糖仙草冰上枱时下面有干冰衬托住，上枱时烟雾弥漫，未食都觉得兴奋。整体黎讲系几好，不过份量就细左少少，可以大DD就更好。