星光喫茶洋食

营业中

休息中

充滿昭和年代感嘅氣氛，睇得出店主好有心機去搜羅各項陳設，每一隻杯同碟都精心配搭，成間餐廳氣氛都好舒服。食物亦好出色，朋友食嘅星光三文治，麵包鬆軟，餡料有薯蓉真係好驚喜，仲有薯條配搭，細問之下，麵包係店主去日本搜羅返嚟，唔怪得食到同坊間一般唔同。我自己叫咗個生姜豚肉，好有薑味，豚肉亦好軟腍，好好送飯。加咗個玉子布丁甜品，真係可以話係全港最好味。蛋香濃厚，質感細滑，焦糖唔會太甜，恰到好處，連平時好難食用嚟點綴嗰粒車厘子都好好味，有浸杏仁豆腐味㗎~雖然午飯時間要排隊，但絕對值得