牛禪燒肉日本料理 (已結業)

爸打饭局，拣咗铜锣湾世贸中心嘅牛禅烧肉日本料理。餐厅设计时尚优雅，座位宽敞舒适，最啱一大班人gathering, 唔会坐得逼逼夹夹。庆生饭局又点可以唔饮番杯，先嚟枝夏田冬藏大吟嚷开场。备有林林总总设计别致嘅sake杯畀你选择，服务有心思又贴心。三点前菜有牛蒡、海蜇同渍蒜，一小杯一小口，精美可口。随之而来精彩美食纷纷上场。七味鱼翅，将鱼翅烤得香脆，再薄薄洒上七味粉，惹味香口，送酒佳品。蟹籽芒果沙律，沙律菜新鲜爽脆，配上蟹籽和芒果，美味之余别有清新口感。绝对邪恶但令人难以抗拒嘅诱惑…一口芝士仿如艺术品嘅五品刺身随即上场，当中有原条赤䲞、油甘鱼、拖罗、带子、火炙金目鲷，每款都系大厨因应季节精心挑选嘅项目，件件新鲜肥美；一啖鱼生，一啖sake，味觉享受无以尚之。再来一件马粪海胆寿司，又鲜又creamy嘅海胆加上绵腻嘅寿司饭，满足，满足。经过一轮热身，主角系时候出场，今晚我哋拣咗呢个期间限定嘅A5和牛玫瑰套餐。精选14个月饲育嘅黑毛和牛，当中包括有牛胫脊、牛小排、和牛A5西冷及和牛A5肉眼四个不同部位。肉色鲜嫩红润，雪花纹分布细致均匀，再加上大厨嘅巧手工艺，砌成一朵朶美丽动人嘅玫瑰。鉴于准备需时