影片
更多
2009-03-03
377 浏览
1月30日, 难得我地都放假, 中午去湾仔揾饭食, 呀菲提议去呢度食心太软, 黎到船街, 一列都装修过, 周围变得好高级~ la bons café 个门口唔难揾, 门口都好西式feel, 当时2点几, 唔算多人, 一坐低已经有种感觉好似茶餐厅… 首先, 厨房不断传出碗碟碰撞嘅嘈吵声, 好似有人喺我地隔离洗紧碗咁!! 其次枱面张枱布好污糟, 𠮶d系积黎, d侍应以为放张餐纸喺上面d人就睇唔到!! 算数, 食物好都可以补救, 希望d野食会好d.::: 餐汤 + 沙律 :::汤系南瓜蓉忌廉汤. 有南瓜味不过唔够杰. 面包有d韧不过都算ok. 沙律就尚算新鲜, 不过应该系放咗喺雪柜整定.::: 烟三文鱼, 烟肉, 甘荀及野菌炒天使幼面 ::: $60卖相系唔错, 不过味道十足十茶餐厅炒米粉咁~ 烟肉唔香好似火腿~ 甘荀即系萝卜丝~ 野菌又好似碌熟冇乜味~炒天使面味道真系好似炒米粉… 唯一可以嘅系烟三文鱼, 不过原本个menu系虾, 不过冇虾所以用烟三文鱼代替, 欠缺诚意… 整体普通, 似中多过西.::: 烧法式鸭胸伴烧纽西兰牛仔脾肉配青柠蜜糖烧汁配美国薯条及时菜 ::: $65呢个更差! 首
::: 餐汤 + 沙律 :::
汤系南瓜蓉忌廉汤. 有南瓜味不过唔够杰. 面包有d韧不过都算ok. 沙律就尚算新鲜, 不过应该系放咗喺雪柜整定.
::: 烟三文鱼, 烟肉, 甘荀及野菌炒天使幼面 ::: $60
卖相系唔错, 不过味道十足十茶餐厅炒米粉咁~ 烟肉唔香好似火腿~ 甘荀即系萝卜丝~ 野菌又好似碌熟冇乜味~炒天使面味道真系好似炒米粉… 唯一可以嘅系烟三文鱼, 不过原本个menu系虾, 不过冇虾所以用烟三文鱼代替, 欠缺诚意… 整体普通, 似中多过西.
::: 烧法式鸭胸伴烧纽西兰牛仔脾肉配青柠蜜糖烧汁配美国薯条及时菜 ::: $65
呢个更差! 首先, 完全唔明点解个名可以长到咁……
鸭胸瘦孟孟得几块我呀妈仲整得好食过佢! 牛仔脾卖相又唔靓又冇味, 个汁又淡, 真系食完睇番menu先知系青柠蜜糖烧汁, 嘅冇青柠又冇蜜糖味… 薯条时菜呢d主要都系填满只碟. 成碟野, 东一堆西一堆凑埋就算…
::: 心太软 + 雪糕 ::: $28
终于都食到我地期待嘅心太软~ 我地都觉得如果连个心太软都令我地失望, 就一定俾喊面. 好彩最后都唔系太差, $28一件系可以叫做平添~ 做得真系好, 唔怪之得个个都推介~ 一切开, d浆慢慢流出黎, 有应有嘅杰度, 仲好甜~ 朱古力皮焗到好脆, 中间𠮶层蛋糕软绵绵, 成个都好好食~ 我地都好钟意加埋雪糕一齐食, 又热又冻, 有说不出嘅快感~
走嘅时候心情总算不太低落, 虽然餐厅环境卫生都唔合格, 餐牌主菜又唔好食, 心太软就系挽回了这一餐饭. 我谂店主都系专心做心太软啦. 另外, 希望能正视餐厅卫生嘅问题.
平心而言, 心太软系值一个笑面. 如果为咗食心太软而黎, 我估我地都仲有下次嘅.
张贴
