靚靚麵工房 (已結業)

尖东-在一年里面只会出现几次的地方!对上一次是参与Le Soleil的尽兴饭局,因为月尾会和同事在咐近吃自助餐,但人数太多要先付订金,唯有自己先走一次去落订!一个人想速战速决于是走咗嚟食车仔面,亦献出了第一次!座位感觉非常挤迫(是我身形庞大问题、罪不在店方)看见点菜纸上有很多选择,满心欢喜挑了一些平常比较少见的配料!九转大肠---用碟另外分开上台,酸酸地有黑醋的味道,外面硬里面靱!试咗2件无再食.辣猪油渣----炸得唔够干身,咬落一口肥油,但无香味.甜蜜花枝恋----即是煎墨鱼饼!完全唔热,无弹性有腥味,一件够晒!牛腩----瘦到咬落成口渣!点算?粗面加麻辣酱----面饼OK,麻辣酱就不麻不辣只有咸.炸鱼蛋----食斋面唔系办法!叫多份炸鱼蛋谂住会稳阵卦?点知原来唔系估计中嘅暖暖地,而系冻嘅!而且腥味浓郁!冻柠茶----MC Jim都有Rap--D涩味系会Stay喺你条脷.....第一次成二百几磅人,好似D得八十磅仲话自己肥嘅妹妹仔咁,每样舔一吓就摆低唔食嗌饱!全部夹埋食咗唔够十份之一就起身埋单.车品品老板娘对唔住!系我错!我懒!食车仔面都无嚟揾你!